Blerina Balili është këngëtarja e cila ishte sonte ne lokalin “Fiks Fare”, ku ndodhur masakra që la te vdekur 33-vjeçarin Ergys Gjioveshajn dhe te plagosur 3 te tjerë.
Lokali ku ka ndodhur ngjarja njihet për netët me muzikë live. Para disa orësh në rrjetet sociale kishte njoftimin për mbrëmjen e sotme, siç e shihni edhe me poshtë, ku këndonte këngëtarja Blerina Balili.
Njoftimi i policisë së Vlorës njoftoi:
Rreth orës 23:20, në lagjen “Ujë i Ftohtë”, në ambientet e një lokali pas një konflikti të çastit, një person ende i paidentifikuar nga ana jonë ka qëlluar me armë zjarri në drejtim të palës tjetër.
Për pasojë ka mbetur i vdekur shtetasi Ergys Gjioveshaj, 33 vjeç banues ne Vlorë.
Si dhe janë plagosur 3 shtetas të tjerë të cilët janë dërguar në Spitalin Rajonal Vlorë për ndihmë mjekësore:
- F.H., 28 vjeç.
- A.L., 26 vjeçe.
- A.Ll., 32 vjeç.
Të tre të plagosurit ndodhen jashtë rrezikut për jetën.
Deri në këto momente janë shoqëruar 3 persona me të cilët po punohet për zbardhjen e ngjarjes.
Janë ngritur pika kontrolli, si dhe forca të shumta policore po krehin zonën përreth vendngjarjes për kapjen e autorit.